प्लाष्टिक मुक्त देश नेपाल घोषणा गरौ ।

बन्न लागेको घर

तीन तले घर हाम्रो नेपालीको सान
तराइ हाम्रो जग हो हिमाल हो छाना
वीचको तला पहाड मिल्छ दायाँ बायाँ
भाषा, धर्म, संस्कृतीको सबैले गर्छन् माया ।

हिमालमा हिँउ पर्दा छाना रसाउँदछ
वीचको तला मक्किएर ढुँसी पलाउँदछ
भईतलाभरी पानीले जमिन डुबाउँदछ
त्यही डुबानले कयौंलाई भोकै बनाउँदछ ।।

नयाँ नेपाल नयाँ सोच सबले लिनुपर्छ
जगैबाट माथिसम्म गाह्रो मिल्नुपर्छ
सामथ्र्य र पहिचानलाई सबले बुझ्नुपर्छ
खर झिकी अब हामीले ढलान दिनुपर्छ ।।।

पूरानो भयो कच्ची घर लड्न पनी सक्छ
सबै भाइ मिले मात्र नयाँ बन्न सक्छ
तेरो मेरो भन्न लागे वर्षा आउन सक्छ
त्यही बाढीले सबैलाई बगाइदिन सक्छ ।।।।

 

नयाँ वर्षको शुभकामना: नयाँ वर्ष तिमी ….

अध्यारो हावा, हुरी पत्थर छेडेर आउ
असहजतालाई तोड्दै उज्यालो छर्दै आउ
नयाँ वर्ष, नयाँ दिन, शुभकामको सोचाइमा
स्वागत छ तिमीलाई दिन्छु शुभकामना

किसानको वालीमा असिना नझार्ने गरी आउ
बाढी पहिरो, भोकमरी, खडेरी नपार्ने गरी आउ
वायू प्रदुषण, दुर्गन्ध, रोग आदि छाडेर आउ
शुभकामना छ, विगत नदोहोरिने गरेर आउ

वशन्त ऋतुमा कोइलीको गीत गाउँदै आउ
फलफूल बोट विरुवाका पालुवा भएर आउ
गहुँ भित्र्याइ मकै छर्ने समय भएर आउ
धानको वीउ राखी असारे गाउनलाई आउ

सम्पूर्ण नेपालीको साझा भावना भएर आउ
संविधान सभा, सहमती र एकता भएर आउ
नयाँ नेपाल, नयाँ जाँगर र विश्वास भएर आउ
शुभकामना छ, नयाँ सविधान लिएर आउ

एक पाउ देखि हजारौ केजी सम्म
हिमाल-पहाड हुँदै तराई सम्म
पानी नछिर्ने सजिलो प्लाष्टिक झोला
क्यान्सर बनेर डस्दैछ होस गर्नुहोला ।

गल्दैन कुहिँदैन मल पनि दिदैन
जमीन बिगारी दिन्छ फल पनि दिदैन
धारा, ईनार-कुँवामा पानी आउँन दिदैन
सत्रुनै हो प्लाष्टिक प्रयोग गर्नुनै हुँदैन ।

वातारण स्वास्थ्य सबैतिर प्रदुषण
बाल्दा नी प्रदुण फाल्दा नी प्रदुषण
प्रयोग गर्ने नगर्ने सबैलाई प्रदुषण
सयौं वर्ष गल्दैन झन-झन प्रदुषण ।

सफा, स्वस्थ्य, सुन्दर, हराभरा
बनाउने हामी सबैको अभिभारा
प्लाष्टिक प्रयोग नगर्ने कसम खाउँ
हामी सबैले वातावरण सफा बनाउँ ।

उत्पादन कम्पनिले विकल्प खोजौं
वार्ता र सहमतीमा बाटो अर्को रोजौं
देश र जनताको लागि सहयोग गरौं
प्लाष्टिक मुक्त देश नेपाल घोषणा गरौं ।

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>