हिमालमा हिँउ पर्दा छाना रसाउँदछ
वीचको तला मक्किएर ढुँसी पलाउँदछ
भईतलाभरी पानीले जमिन डुबाउँदछ
त्यही डुबानले कयौंलाई भोकै बनाउँदछ ।।

नयाँ नेपाल नयाँ सोच सबले लिनुपर्छ
जगैबाट माथिसम्म गाह्रो मिल्नुपर्छ
सामथ्र्य र पहिचानलाई सबले बुझ्नुपर्छ
खर झिकी अब हामीले ढलान दिनुपर्छ ।।।

पूरानो भयो कच्ची घर लड्न पनी सक्छ
सबै भाइ मिले मात्र नयाँ बन्न सक्छ
तेरो मेरो भन्न लागे वर्षा आउन सक्छ
त्यही बाढीले सबैलाई बगाइदिन सक्छ ।।।।