जननेता मदन भण्डारी,विर गणेशमान सिंह, मनमोहन अधिकारी हुदै शुशिल कोइराला र हालसम्म दिवंवत हुनुभएका सम्पूर्ण राजनेताहरु प्रति समर्पित कविता हो श्रद्रान्जली

नेता दुर्घटनामा परे, मरे वा मारीएको खवरले
सम्पूर्ण मिडिया छाएको छ, सन्सनीपूर्ण तरङ्गले
जनताहरु कौतुहलतामा छन, नेताहरु दौडीरहेका छन
वास्तविकता र मृत शरिरलाई निहालिरहेका छन

देश, समाज र संसारलाई, बदल्न आँट गर्ने नै
मृत शरीर लिई, काठको मुडा झै ढलिरहेका छन
शंकै शंकाको घेरामा, सरकारले सम्मान दिएकोछ
जनताहरु रोइरहेका छन, मसानघाट लास कुरीरहेको छ

खित्का छोडेर हाँसीरहने चित्ता, आज टोलाइरहेको छ
जुगौ बाँच्न पर्ने मानिसलाई, निल्न परिरहेको छ
आगोलाई पनि बल्नै सकिदैनकी, भन्ने पिर परेको छ
साराको मन पगाल्ने, महान मानिसलाई नै पगाल्नु परेको छ ।

युवा जमात ,बृद्ध र महिलाहरु फूल हातमा लिइरहेका छन्
तँछाड मछाड गर्दै , सेल्फीमा दौडीरहेको छन् ।
फोटो खीच्नेको घुइचोँले , चैउर भरिएको छ ,
लास आफै , अफ्ठारो मानी मानी सुतिरहेको छ ।

मरेको लासलाई , सरकारबाट राष्ट्रीय सम्मान दिइयो ,
जनसागर मलामी भए , तोप र सलामी दिइयो ।
दागवत्तीको साथै , धुवाको मुस्लोमा उनी हराए
मलामी रित्तै फर्किए , उनी सदाको लागि विलाए ।।

अपुरणीय क्षेती भयो , देशले होनाहार सपुत गुमायो,
श्रद्रान्जली सभामा, उनको सपना साकार पार्न ।
नारा लगाउदै, तस्वीरमा फुलमाला चढाइयो ,
शोकलाई शक्तिमा वदल्न, अपुरा कामलाई पुरा गर्न ।।

भिड तितरवितर भयो, तस्वीर तमासा हेरिरहेछ,
बाँच्च्दा सवैले घेरेका, मृत्यूपछि एक्लै हुइदोरहेछ ।
देशका लागि खर्चेको जीवन, केवल उधारो रहेछ ,
नेता कार्यकर्ताको तमासाले , तस्वीरबाटै आशु झरिरहेछ ।।

जिल्लामा अस्तु सेलाइयो तस्वीरमा माला लगाइयो,
पालो कुरि बसेका नेताबाटै, अमर रहुन नारा भजाइयो ।
पुण्य तिथीमा, चिया, विस्कुट र भोजन गराइयो
ससांर बदल्छु भन्नेलाई, भित्ताको एउटा किलामा झुन्डायो ।।

–ध्रुव गजुरेल
तारकेश्वर नगरपालिका ८